Конкурс польскай рэлігійнай паэзіі ў Гародні
У гадавіну кананізацыі святога Яна Паўла ІІ грамадскае аб’яднанне „Polska Macierz Szkolna” зарганізоўвае дэкламацыйны конкурс польскай рэлігійнай паэзіі “Дазвольце дзецям прыйсці да мяне”.
Удзельнічаць у конкурсе маюць магчымасць дзеці і моладзь ад 5 да 18 гадоў, якія ў чатырох узроставых катэгорыях акрэсляць пераможцаў. Намеснік старшыні грамадскага аб’яднання „Polska Macierz Szkolna” Тэрэса Крышын лічыць, што такія мерапрыемствы ў першую чаргу прызначаныя выхоўваць у дзецях павагу да каталіцкіх традыцый і прыязнае стаўленне да роднай мовы:
– Мы вельмі б хацелі, каб наша моладзь польскага паходжання, якая жыве ў Беларусі, вывучыла польскую мову менавіта таму, што гэта мова іх продкаў, мова, на якой размаўлялі іх бацькі, дзяды і прадзеды.
Конкурс рэлігійнай паэзіі “Дазвольце дзецям прыйсці да мяне” адбудзецца 26 красавіка бягучага года ў памяшканні адукацыйнага цэнтра “Polskiej Macierzy Szkolnej” па адрэсе: Гародня, вуліца Гараднічанская, 40. Да 10 красавіка ўсе ахвочыя маюць магчымасць даслаць заяўкі на ўдзел у мерапрыемстве.
Беларускае Радыё Рацыя, Гародня
Глядзіце таксама
