Кожны дзень. Мастацтва. Салідарнасць. Супраціў
25 сакавіка, у Дзень Волі ў Беларусі, у кіеўскім „Мастацкім арсенале” адкрыецца маштабная выстава сучаснага беларускага мастацтва.
„Кожны дзень” – гэта лозунг, які скандуюць пратэстоўцы ў Беларусі з пачатку жніўня 2020 года, падкрэсліваючы працягласць і рытм супраціву, захоўваючы ўпэўненасць, што пратэст будзе працягвацца заўтра і не скончыцца.
Выставачны праект, які разгорнецца на 4000 квадратных метрах „Мастацкага арсеналу”, раскажа наведвальнікам гісторыю пратэсту і феномен салідарнасці ў Беларусі. У экспазіцыі свае работы прадставяць амаль паўсотні беларускіх мастакоў.
„Выстава беларускага сучаснага мастацтва сёння, у гэты гістарычны момант, – гэта не толькі эстэтычны досвед, хоць гэта, безумоўна, перш за ўсё. Гэта таксама інтэлектуальнае паглыбленне ў справы палітычнай рэальнасці Беларусі і важны жэст падтрымкі беларускай культурнай сцэны „, – сказала Алеся Астроўска-Люта, дырэктарка „Мастацкага арсеналу”.
Выстава „Кожны дзень” рэалізаваная пры падтрымцы Міжнароднага фонду „Адраджэнне”.
Паводле прэс-рэлізу
Глядзіце таксама
