Літаратурны конкурс клуба “Катарсіс” назваў сваіх лаўрэатаў
У канферэнц-зале Гарадзенскага медыцынскага ўніверсітэта адбылася ўрачыстая імпрэза закрыцця VII адкрытага літаратурнага конкурсу клуба “Катарсіс”.
Пяцьдзясят аўтараў з пятнаццаці гарадоў Беларусі і Германіі даслалі больш за 200 сваіх твораў на конкурс. Журы адзначыла высокі мастацкі ўзровень тэкстаў, адсутнасць шаблонных падыходаў да раскрыцця аўтарскай тэмы, жанравую разнастайнасць.
Усе ўдзельнікі конкурсу атрымалі памятныя сертыфікаты, а пераможцы – ганаровыя граматы і кніжныя падарункі.
А хутка ўжо стартуе VIII конкурс, прысвечаны 20-годдзю літаратурнага клуба “Катарсіс”. Запрашаем.
Віктар Варанец, старшыня клуба “Катарсіс”.
