Літаратурны нобель 2014 прысуджаны Патрыку Мадыяно
Сёлета Нобелеўскую прэмію ў галіне літаратуры атрымаў француз Патрык Мадыяно. Пісьменнік адзначаны «За мастацтва памяці, з якім ён раскрывае самае няўлоўнае ў чалавечым лёсе і паказвае жыццё ў акупацыі».
Мадыяно – мала вядомы ў Беларусі, і практычна не перакладаўся на беларускую мову. Перакладчыцу Кацярыну Маціеўскую зацікавіў новы лаўрэат, і, напэўна, яна перакладзе адзін з яго раманаў на беларускую мову:
– Я вось зараз паглядзела яго творы, і думаю, што можа нават перакладу што-небудзь ягонае, таму што вельмі цікавы аўтар. Не толькі як перакладчык, а нават як чытач люблю такія творы, калі героі вяртаюцца ў мінулае і спрабуюць там штосьці адшукаць. Гэтая адмысловая рэфлексія, асабліва пра вайну. Мне асабіста гэта цікава.
На сёння на беларускую мову перакладзены толькі адзін твор Патрыка Мадыяно – раман “Віла Журба”, пераклад зрабіў прадстаўнік Беласточчыны – Ян Максімюк.
Васіль Кроква, Беларускае Радыё Рацыя
Глядзіце таксама
