Лявону Вольскаму – 50
Лявон Вольскі адзначыў свой юбілей канцэртам у падземным пераходзе.
Больш за 100 чалавек акружылі Лявона Вольскага ў пераходзе каля ГУМу. Музыка сыграў старыя і новыя песні, адказаў на пытанні выпадковых мінакоў, раздаў аўтографы.
Лявон Вольскі адзначыў, што даваць канцэрты на вуліцы ў пераходзе для яго «адно задавальненне, бо не трэба плаціць за арэнду і дамаўляцца з нейкімі цёткамі».
Свой выступ музыка завяршыў словамі «Жыве Беларусь!». Публіка вітала спевака воплескамі.
