Людміла Сіманёнак: Беларускі тэатр у беларускім горадзе – гэта натуральна
Віцебскі тэатр “Лялька” – адзіны ў Беларусі лялечны тэатр з выключна беларускамоўным рэпертуарам. Спектаклі “Лялькі” глядзелі сёлета і госці “Славянскага базару” – міжнароднага фестывалю, дзе ўласна беларускага бывае не так і шмат.
„За 33 гады існавання ў тэатры практычна не чулі нараканняў на беларускую мову”, – кажа кіраўніца літаратурна-драматычнай часткі тэатру Людміла Сіманёнак:
– Майстэрства лялечнае – яно такое, што дазваляе ўвогуле многія рэчы разумець без слоў. Гэта першы аспект. А другое – што можа быць больш натуральным, чым беларускі тэатр у беларускім горадзе? Ненатуральным мне падаецца тое, што ў Віцебску няма ніводнай школы і ніводнага класу беларускамоўнага!
Людміла Сіманёнак – сённяшняя госця Радыё Рацыя. Яна падзялілася сваімі ўспамінамі пра фестываль “Славянскі базар” мінулых гадоў і развагамі пра сучаснасць – пра адмысловы фестывальны праект “Лялечны квартал”, пра мінулагодні рэкорд тэатра “Лялька” падчас фэсту “На сямі вятрах” і пра тое, чаго бракуе “Славянскаму базару”, каб насамрэч заставацца “славянскім”, не губляючы беларускасці.
Цалкам гутарка ў далучаным файле:
Беларускае Радыё Рацыя
Глядзіце таксама
