Менскі археолаг прадставіў у Гародні сваю новую кнігу
У Гародні прайшла сустрэча з археолагам Мікалаем Плавінскім з Менска. Дзякуючы яго працы гістарычна значная падзея для Беларусі – бітва на Нямізе 1067 года – выйшла ў выглядзе кнігі ў серыі “Беларусь у войнах”.
Каб прэзентаваць сваю кніжку, аўтар правёў адкрытую лекцыю для гарадзенцаў у арт-галерэі “Крыга”. Асабліва ён звярнуў увагу на нязвыклую крывавасць бітвы, дзякуючы якой ўпершыню быў згаданы Менск:
– Галоўная мэта – не забіць праціўніка, а прымусіць збегчы. А па-другое, палонны – куды больш каштоўны чалавек, чым забіты: яго можна прадаць, нейкім чынам выкарыстоўваць. Адпаведна бітва на Нямізе атрымала такое адлюстраванне, такую гістарычную памяць для Сярэднявечча. Гістарычная памяць больш, чым у 100 гадоў, – гэта вельмі сур’ёзна, гэта шмат пакаленняў. І запомнілася яна сваёй жорсткасцю і крывавасцю.
Аўтарству Мікалая Плавінскага належыць шмат вядомых кнігаў. Сярод іх: “Скарбы, курганы, замкі ды іх даследчыкі”, “Узбраенне беларускіх земляў Х-ХІІІ стагоддзяў” ды іншыя.
[Not a valid template]
Якуб Сушчынскі, Беларускае Радыё Рацыя, Гародня
Фота аўтара
Глядзіце таксама
