Мікола Волкаў: Я не супраць удзельнічаць у рэканструкцыі Старога замка
Беларускія незалежныя СМІ заяўляюць пра тое, што да другога і наступных этапаў рэканструкцыі Старога замка ў Гародні могуць быць дапушчаныя адмыслоўцы па рэканструкцыі.
Аднак кандыдат гістарычных навук, спецыяліст па гісторыі абарончай архітэктуры Беларусі Мікола Волкаў распавядае, што да яго такая прапанова пакуль не паступала:
– Ніхто мне нічога не прапаноўваў. Астаповічу Алена Клімовіч сказала, што “мы распрацоўваем магчымасць уключэння Волкава”. Добра, распрацоўвайце, мне ніхто нічога не казаў. Я не адмаўляўся. І ўсе гэтыя фармулёўкі, што Волкаву прапаноўвалі, а ён не хоча працаваць, – гэта абсалютная хлусня. Яны не хочуць супрацоўнічаць.
На думку Міколы Волкава, ён будзе спрабаваць унесці змены ў наступныя стадыі рэканструкцыі Старога замка. Ён атрымаў два адказы па Старым замку ў Гародні за подпісамі кіраўніка ўпраўлення культуры аблвыканкаму Алены Клімовіч і збіраецца далей змагацца за ўнясенне зменаў ў рэканструкцыю юрыдычнымі шляхамі.
Беларускае Радыё Рацыя, Гародня
Фота TUT.BY
Глядзіце таксама
