“Мова Нанова” “перапісвае” беларускамоўнае насельніцтва
Акцыю ладзяць ў сацыяльных сетках курсы “Мова Нанова”. Колькасць удзельнікаў, што змясцілі свае партрэты-білборды з подпісам “Гэта я”, набліжаецца да дзьвюх тысячаў.
Сярод іх прадстаўнікі самых розных прафесій з розных куткоў краіны. Між тым, заснавальнік “Мовы Нанова” Глеб Лабадзенка скадзіцца на некаторыя каментары:
– Вось зрабілі людзі білборды, але ж не, знайшліся нейкія зануды, якія заўважаюць, вось ён не той канчатак паставіў ці не тую літару… Людзі, супакойцеся і расслабцеся! Што вы робіце? Чалавек першы крок робіць, а вы яго па руках і па вуснах б’яце. У вас з галавой усё ў парадку ці не?
Таксама Глеб Лабадзенка ацаніў вынікі беларускага адбору на конкурс песні “Еўрабачанне”. Як вядома, адзіная з заяўленых беларускамоўная песьня ад гурту “Наві” не атрымала патрэбнай колькасьці галасоў:
– Калі нам кажуць, што ў “Наві” шэсць тысяч галасоў, а ў гэтага спевака з Гомеля 23 тысячы галасоў, то гэта проста хлусня. Я ніколі ў жыцці ў гэта не паверу!
Глеб кажа, што заўжды заўзее за Беларусь, але сёлетняе “Еўрабачанне” – не той выпадак.
Стас Дэдэрка, Беларускае Радыё Рацыя
Глядзіце таксама
