Музею Беларускага Палесся 95 гадоў
У Пінску адзначаюць 95-годдзе заснавання Музею Беларускага Палесся.
Гэта адна са старэйшых музейных устаноў краіны, якая не спыняла сваёй дзейнасці нават у часы Другой сусветнай вайны. Сама ўстанова знаходзіцца ў цікавым гістарычным будынку – калегіуме езуітаў, які паўстаў у сярэдзіне XVII стагоддзя.
Па словах краязнаўцы Эдварда Злобіна, пінскі музей здолеў захаваць фонды:
– Захаваў даваенныя калекцыі, першыя экспанаты, якія збіраліся – гэта вялікі комплекс этнаграфічнага матэрыялу. Вельмі шмат даваенных фотаздымкаў, адна з цікавейшых навуковых бібліятэк у краязнаўчай сферы і ў гісторыі краю.
Сёння ў фондах Музея Беларускага Палесся налічваецца звыш 66 тысяч адзінак асноўнага фонду і больш за 16 тысяч адзінак навукова-дапаможнага фонду. Цяпер пінскі музей уяўляе сабой не толькі ўстанову па захаванні мінуўшчыны, а з’яўляецца культурна-асветніцкім цэнтрам.
Беларускае Радыё Рацыя
Фота www.holiday.by
Глядзіце таксама
