На „Беларусьфільме” плануюць здымаць індыйскае кіно
Кінаіндустрыя з’яўляецца перспектыўнай галіной для развіцця партнёрства паміж Беларуссю і Індыяй. Супрацоўніцтва ў гэтай і іншых сферах абмеркавалі 15 траўня старшыня Савета Рэспублікі Нацыянальнага сходу, упаўнаважаны па супрацоўніцтве з Індыяй Міхаіл Мясніковіч і ганаровы консул Беларусі ў Мумбаі Лаліт Чакані.
У бліжэйшы час на базе „Беларусьфільма” плануецца пачаць здымкі першай індыйскай карціны.
„Разлічваем, што гэты праект стане своеасаблівым лакаматывам для далейшага партнёрства дзвюх краін у кінаіндустрыі”, – адзначыў Лаліт Чакані.
На сустрэчы ганаровы консул расказаў Міхаілу Мясніковічу і аб іншых праектах, якія плануецца рэалізаваць у Беларусі з удзелам індыйскага бізнесу. У прыватнасці, прапрацоўваецца магчымасць супрацоўніцтва адной з індыйскіх кампаній з Аршанскім ільнокамбінатам. „Беларускі лён уяўляе цікавасць для нашых інвестараў, тут у нас добрыя перспектывы”, – сказаў ён.
