На месцы пакарання Каліноўскага з’явілася наша мова
Новы інфармацыйны знак у гонар кіраўнікоў паўстання 1863-1864 гадоў Кастуся Каліноўскага і Зыгмунта Серакоўскага з’явіўся на Лукішскім пляцы ў Вільні.
Надпісы на ім зроблены на літоўскай, польскай, беларускай і ангельскай мовах.
Пра гэта ў Фэйсбуку паведаміў гісторык Віктар Корбут:
– Новы інфармацыйны знак у гонар кіраўнікоў паўстання 1863 г. В. К. Каліноўскага і З. Серакоўскага, пакараных тут смерцю расейскімі ўладамі. Устаноўлены замест папярэдняга, што з’явіўся ў савецкі час. Да літоўскага надпісу дадалі беларускі, польскі і англійскі. Расейскі не зрабілі (быў на савецкай памятнай дошцы). Не адзначаны імёны іншых ахвяр — удзельнікаў Студзеньскага паўстання, якіх пакаралі смерцю на Лукішскай плошчы.
Беларускае Радыё Рацыя
