На Палтаўшчыне выйшла кніга беларускага літаратара
У горадзе Лубны Палтаўскай вобласці на Украіне жыве беларускі паэт і празаік, сябра Саюза беларускіх пісьменнікаў Васіль Філіпенка. У мясцовым выдавецтве “Інтэр Парк” на днях выйшла з друку яго новая кніга вершаў і прозы “Поклічы лёсу”, накладам 1000 асобнікаў.
Васіль Філіпенка родам з вёскі Трасцянец Гомельскай вобласці. Але так склаўся лёс, што ён цяпер жыве ва ўкраінскіх Лубнах. Таму туга па Бацькаўшчыне адчуваецца амаль у кожным яго паэтычным творы:
Ну што для вас там нейкі Трасцянец,
А для мяне – пачатак і канец…
Радзіма для Васіля Філіпенкі – гэта і клёкат буслоў, і маленькія вёскі, і срэбная раса, і неўгамонныя пеўні… Але праз усе паэтычныя радкі скразной лініяй праходзіць патрыятычны настрой аўтара:
А пройдзе маё кассё,
І з’явіцца Бог адзіны.
Скажу: забірайце усё,
Пакіньце радкі Радзіме…
Барыс Баль, Беларускае Радыё Рацыя.
Глядзіце таксама
