«На тонкай мяжы»: гурт «У нескладовае» выступіць у Менску
1 лютага ў Маладзежным тэатры эстрады пасля доўгага перапынку выступіць Раман Арлоў і гурт «У нескладовае» з праграмай «На тонкай мяжы».
Апошнія вялікія канцэрты «У нескладовага» прайшлі яшчэ ў 2013 годзе, у Мірскім замку з расейскім гуртом «Братья Грим» і сумесным трэкам «Станцыя», а пасля — на разагрэве ў славутых Deep Purple у Менск Арэне.
Перапынак у канцэртнай дзейнасці гурта быў звязаны з падрыхтоўкай мюзікла «Чарадзей», у якім «У нескладовае» іграе ролю аркестра.
А ад канца 2017 года «У нескладовае» стаіць і за музычнай часткай тэатралізаванага цыклу дзіцячых казак пра прыгоды Літары «Ў» і яе сяброў.
Дарэчы, песні з казак пра Літару «Ў» упершыню ўжывую прагучаць на канцэрце 1 лютага і стануць адной з «фішак». Дзіцячымі галасамі дапамогуць навучэнцы Школы традыцыйнага мастацтва Вікторыі Міхна.
Раман Арлоў і «У нескладовае» сыграюць і песні з рэпертуару «J_Морс», аўтарам альбо суаўтарам якіх з яўляецца Раман Арлоў — «Маё Сонца», «Паветра», «Адлегласць».
