Новы экспанат Віленскага беларускага музея
Калекцыя Віленскага беларускага музея імя Івана Луцкевіча папоўнілася ўнікальным экспанатам. Пра гэта паведаміла захавальніца музея – віленская беларуска Людвіка Кардзіс.
Вышыты напачатку 20-га стагоддзя рушнік – гэта экспанат-сімвал і музейная сенсацыя. Аўтарка вышыўкі – Юліяна Менке, выкладчыца Віленскай Беларускай Гімназіі і каханая Івана Луцкевіча – беларускага Адраджэнца, калекцыянера і заснавальніка музея.
11 траўня 2019 года рушнік прадстаўніца Пецярбургскай галіны сям’і Луцкевічаў, Маргарыта Пярова, перадала захавальніцы музея ў Вільні, Людвіцы Кардзіс.
Віленскі беларускі музей імя Івана Луцкевіча адноўлены на грамадскіх пачатках у 2000-ым годзе. Да гэта часу, на жаль, існуе без сталага памяшкання.
Беларускае Радыё Рацыя
Глядзіце таксама
