„Нябачная маці”: фотавыстава ў Берасці
Некалькі дзясяткаў фотаздымкаў на тэму мацярынства можна пабачыць у Берасці.
У творчай прасторы незалежнага тэатра „Крылы Халопа” пачала працаваць выстава пад назвай „Нябачная маці”, — распавёў этнограф Сяргей Лескець:
– Мы прыехалі паказаць выставу архіўнай фатаграфіі, якую мы сабралі на тэму мацярынства “Нябачная маці”. Гэтая тэма мяне пачала хваляваць, калі я сам стаў татам. Мне хацелася гэта ўсё пераасэнсаваць. Па-другое, гэта такія дзіўныя фатаграфіі, на якія ніхто не звяртаў увагі, фактычна, якія прысутнічаюць у кожнага – гэта дзіцятка, да якога цягнецца рука матулі. Фатаграфія, якая пачала несці пры нейкім пэўным багажы ведаў нейкую сэнсавую нагрузку.
Выстава працягне сваю працу да 9 лютага. Таксама ёсць магчымасць прынесці свае фотаздымкі і далучыць іх да калекцыі.
Беларускае Радыё Рацыя, Берасце
Фота vk.com/hiddenmother
Глядзіце таксама
