Паб-квіз ад Алеся Мазаніка ў Гародні
Забаўляльна-інтэлектуальная гульня ад Алеся Мазаніка пад назвай “Імбрыкі ды Імбрычкі” адбудзецца 13 кастрычніка ў гарадзенскім Цэнтры гарадскога жыцця.
Алесь Мазанік лічыць, што ў такім часабаўленні няма абмежаванняў, і паб-квіз унікальны для ўсіх аматараў гульняў:
– Гэтая гульня з’яўляецца ўнікальнай у Беларусі. Гэта беларускамоўная, цалкам створаная з нуля гульня, дзе ўсе пытанні так ці інакш датычныя Беларусі. Ёсць шмат мемаў, музычных тураў і таго, што выгодна адрознівае канкрэтна “Імбрыкі ды Імбрычкі” ад іншых розных квізаў, у якіх я шмат дзе ўдзельнічаў.
На думку Сяргея Германа, супрацоўніка Цэнтра гарадскога жыцця, такая гульня цікавая ўсім гарадзенцам, незалежна ад узросту.
– Паб-квіз – гэта досыць папулярны фармат зараз. Плюс яшчэ гэта беларускі паб-квіз. Адзіны на Беларусі. Таму трэба прыйсці і паўдзельнічаць, бо гэта насамрэч цікава і варта таго!
Для кожнага гарадзенца, што прыйдзе на гульню, Алесь Мазанік абяцае невялічкі падарунак.
Беларускае Радыё Рацыя, Гародня
Глядзіце таксама
