Пад Менскам шырока адсвяткуюць Масленіцу
Шырокая Масленіца пройдзе ў Музеі нацыянальнай архітэктуры і побыту 17 лютага.
Падчас мерапрыемства для наведвальнікаў запланавана вялікая праграма. На пляцоўках беларускага скансэна можна будзе паглядзець традыцыйныя масленічныя абрады «Пахаванне дзеда», «Наведванне бабкі-павітухі», далучыцца да масленічнага квэста, майстар-класаў па вырабе масленічнай лялькі-абярэга ды па пляценні паясоў, прыняць удзел у розных гульнях для ўсёй сям’і. Таксама адбудуцца прадстаўленні ад лялечнага тэатра «Батлейка», ценявой батлейкі «Вяртэп», будзе арганізаваная ўнікальная выстава прыладаў, якія выкарыстоўваліся для вырабу сыра і масла.
У музычнай частцы пройдуць выступленні народных калектываў. Таксама сэт адыграе менскі фолк-рок гурт Re1ikt.
Кульмінацыяй масленічных гулянняў стане спальванне пудзіла зімы – «Марэны».
Масленіца – старажытнае славянскае свята, якое сумяшчае хрысціянскія ды паганскія традыцыі. Падчас масленічнага тыдня праводзіцца шэраг абрадаў і святкаванняў, якія сімвалізуюць провады зімы.
«Шырокая Масленіца ў Беларускім скансэне». 17 лютага, Беларускі Дзяржаўны Музей нацыянальная архітэктуры і побыту, 4 км ад МКАД каля а/г Азярцо.
Экспазіцыя музея працуе з 10:00 да 17:00. Каса працуе з 10:00 да 16:30.
Білеты: Для дарослых – 13,00 руб.
Для студэнтаў – 9,00 руб.
Для дзяцей школьнага ўзросту – 6,50 руб.
Для дзяцей дашкольнага ўзросту – бясплатна
Падрабязная праграма мерапрыемства ды іншая карысная інфармацыя знаходзіцца на сайце музея etna.by.
Глядзіце таксама
