Памежнікі станчылі пад песню „пра лабутэны”
У Гародні прайшоў парад вайсковых аркестраў памежных войскаў Беларусі. Сваё майстэрства жыхарам горада над Нёманам прадэманстравалі восем музычных калектываў з Берасця, Гомеля, Ліды, Гародні і іншых гарадоў краіны.
[youtube id=”DVKTvnHOUfs”]
Як зазначае дырыжор аркестра Гарадзенскай памежнай групы капітан Сяргей Аляксеенка, аркестры прадстаўляюць на фестывалі разнастайныя праграмы, якія павінны зацікавіць аматараў духавой музыкі:
– Рэпертуар патрыятычнай накіраванасці, бо спаўняецца 75 год першых баёў на дзяржаўнай мяжы. Разбавім замежнымі творамі, я напісаў папуры на замежныя хіты. Стараемся спалучаць і класіку, і патрыятычныя песні, і замежныя хіты.
Галоўныя мерапрыемствы парада духавых аркестраў праходзяць у гарадзенскім парку Жылібера. Тут на працягу дня адбудуцца выступы ўсіх аркестраў. Яны паўдзельнічаюць у сямігадзінным музычным марафоне і прадэманструюць пляц-канцэрты.
[Not a valid template]
Беларускае Радыё Рацыя, Гародня
