Паўвекавы мастацкі эксперымент Аляксандра Сільвановіча
Сімвалізм міфічных вобразаў, паданняў і псіхадэлічных эксперыментаў адлюстраваў мастак Аляксандр Сільвановіч у сваіх працах, прадстаўленых на выставе “Неба”, вернісаж якой адбыўся ў гарадзенскай гарадской галерэі. Арыгінальныя працы пазнавальнага мастака прыцягваюць сваёй глыбінёй і непрадказальнасцю. Сам аўтар лічыць, што робіць усё ў межах творчага эксперыменту, які доўжыцца амаль 50 гадоў :
-Я правёў такую мяжу паміж зямлёй і небам. І на мой погляд, усё тут зразумела. Напрыклад, там, дзе ёсць неба, – гэта нейкая свабода, можна палятаць, адчуць сябе ўтульна. Трэба глядзець на творы, і тады ўсё будзе больш зразумела.
Выстава Аляксандра Сільвановіча “Неба” будзе экспанавацца ў гарадзенскай гарадской галерэі да 14 чэрвеня. Мастак мяркуе, што ягоныя творы зацікавяць наведвальнікаў галерэі ў першую чаргу арыгінальнасцю і паэтычным увасабленнем філасофскіх эксперыментаў, якія ён спрабаваў пераказаць з дапамогай фарбы.
[Not a valid template]
Беларускае Радыё Рацыя, Гародня
Глядзіце таксама
