Павел Белавус: Амаль не спім, вырашаем пытанні са сцэнай і выступоўцамі
Канкрэтны сцэнарый святкавання Дня Волі ў Менску абрастае чуткамі.
Пра тое, што чакае менчукоў на святочным канцэрце каля Опернага тэатра, распавядае адзін з арганізатараў імпрэзы Павел Белавус:
– Амаль не спім і рыхтуем усе пытанні са сцэнай, з абсталяваннем, гукам, выступоўцамі. Вельмі шмат імпрэз адбываецца і ў абласных гарадах. І не толькі ў Беларусі, але і за мяжой. Вольскі, на жаль, будзе ў Беластоку, але ўжо ў сераду будзе прэм’ера яго песні, напісанай адмыслова да 100-годдзя БНР. Таму ён будзе, так бы мовіць, у такім віртуальным фармаце на свяце. Будуць у нас вялікія экраны стаяць вакол сцэны. Апублікуем і агучым там відэазварот ад яго.
Павел Белавус прадстаўляе „Арт Сядзбу”, ён адзін з тых, хто рыхтуе ў сталіцы святочны канцэрт у гонар 100-годдзя абвяшчэння БНР.
[Not a valid template]
Максім Каўняровіч, Беларускае Радыё Рацыя, Менск
Фота аўтара
Глядзіце таксама
