Прэмію імя Алеся Адамовіча атрымаў Аляксандр Лукашук
28 траўня ў менскай прасторы ОК16 у межах фестывалю інтэлектуальнай кнігі “Прадмова” была ўручаная прэмія імя Алеся Адамовіча.
Прэмію атрымаў Аляксандр Лукашук за стварэнне кніжнай серыі „Бібліятэка Свабоды”, а таксама за выданне кніг „Прыгоды АРА ў Беларусі” і „Сьлед матылька. Освальд у Менску”.
Прэмія імя Алеся Адамовіча была заснаваная ў студзені 1995 года, праз год пасля смерці пісьменніка, грамадскага дзеяча і аднаго з заснавальнікаў Беларускага ПЭН-цэнтра.
Прэмія адзначае найлепшыя публіцыстычныя творы, прысвечаныя актуальным праблемам сучаснасці. Лаўрэатамі прэміі былі Павел Шарамет, Сяргей Дубавец, Валянцін Акудовіч, Ганна Соўсь, Генадзь Бураўкін, Уладзімір Някляеў, Алесь Бяляцкі, Зміцер Бартосік ды інш.
Беларускае Радыё Рацыя
