Прэзентацыі “Палёту над гняздом зязюлі” ў Менску і Магілёве
„Амерыканка” – новая кніжная серыя, у якой перакладчыкі плануюць публікаваць знакавыя кнігі пісьменнікаў Паўночнай Амерыкі ў перакладзе на беларускую мову.
Дзякуючы краўдфандынгу на платформе ulej.by і мецэнату Ігару Жабароўскаму на волю выпушчаная першая кніга серыі – „Палёт над гняздом зязюлі” Кена Кізі.
11 снежня (пн), 18:00 – 21:00
Старт продажаў. Аўтограф-сесія перакладчыка Аляксея Знаткевіча, які адмыслова прыедзе ў Беларусь на прэзентацыю кнігі.
„Арт-Сядзіба” / symbal.by (пр. Машэрава, 18). Уваход вольны
Кнігу можна будзе купіць у краме сувеніраў „Сымбаль”, а потым падпісаць у памяшканні „Арт-Сядзібы” ў тым жа будынку. Напачатку аўтограф-сесіі рэдактарка серыі Марыя Мартысевіч і перакладчык Аляксей Знаткевіч больш распавядуць пра серыю, пра пераклад журналістам і аматарам літаратуры.
14 снежня (чц), 18:30
Прэзентацыя серый беларускага перакладу („Амерыканка”, „ПрайдзіСвет”, „Паэты планеты”) і раману “Палёт над гняздом зязюлі” Кена Кізі.
Магілёў, „Кола сяброў” (вул. Чкалава, 16)
Аўтары: Кен Кізі, Артур Конан Дойл, Генрых Гайнэ, Баляслаў Лесьмян
Перакладчыкі: Аляксей Знаткевіч, Ігар Крэбс, Марыя Мартысевіч, Ганна Янкута.
Імпрэза адбываецца ў межах кампаніі „Будзьма беларусамі!” Уваход вольны
16 снежня (сб), 19:00
„Амерыканка. Пачатак”
Прэзентацыя раману Кена Кізі „Палёт над гняздом зязюлі” і ўсёй кніжнай серыі „Амерыканка”: літаратурна-музычная вечарына.
Прэс-клуб (вул. В. Харужай, 3-601)
Аляксей Знаткевіч / Кен Кізі
Сярж Мядзьведзеў / Чак Паланюк
Павал Касцюкевіч / Курт Вонегут
Ігар Кулікоў, Ганна Комар / Чарлз Букоўскі
Вольга Калацкая, Марыя Мартысевіч / Маргарэт Этвуд
Андрэй Хадановіч / Леанард Коэн, Боб Дылан
Саўндтрэк: музыкі гуртоў Scarlett, Clara Venus, Deproverst (live)
Уваход вольны.
З 12 снежня “Палёт над гняздом зязюлі” па-беларуску можна будзе купіць не толькі ў краме symbal.by, але ў іншых віртуальных і рэальных кнігарнях: oz.by, knihi.by, januskevic.by, у кнігарнях “Логвінаў” (пр. Незалежнасці, 37а), “Акадэмкніга” (пр. Незалежнасці, 72) “Сон Гоголя” (вул. Леніна, 15).
У снежні таксама распачнецца кампанія па зборы сродкаў на новыя кнігі серыі, якая будзе называцца “Каляды з “Амерыканкай””.
Беларускае Радыё Рацыя
Глядзіце таксама
