Расейскі гурт NOGU SVELO ўпершыню выступіць у Польшчы
У Польшчы ўпершыню выступіць расейскі гурт NOGU SVELO, які выказаўся супраць вайны Расеі ва Украіне. Імпрэзы адбудуцца ва Уроцлаве (8.11), Гданьску (9.11) і Варшаве (11.11).
“З расейскай дыяспарай у замежжы мы сустракаемся, калі ў нас ёсць магчымасць”, – распавёў лідар гурта NOGU SVELO Максім Пакроўскі:
-Час ад часу, ні ў кожным горадзе, але ў многіх гарадах нашых тураў, я б нават сказаў у 50-ці гарадах, калі не больш, людзі данацілі. Гэтыя грошы, практычна 100%, ідуць на гуманітарныя мэты. Таму з такімі людзьмі я маю зносіны. Таму што гэта яшчэ і мая вельмі любімая праца, якую я раблю ў рэжыме задавальнення, у рэжыме хобі, у рэжыме вялікай павагі да тых людзей, якія прыходзяць і робяць вялікую справу.
Нагадаем, 16 сакавіка гурт NOGU SVELO выпусціў антываенны сінгл „Нам не нужна война!”. Па словах Максіма Пакроўскага, гэтай песняй музыкі просяць прабачэння ва ўкраінскага народа.
Марына Савіцкая, Беларускае Радыё Рацыя
