“Шоу Беларушчыны” наведала Гародню
Конкурс на веданне беларускай гісторыі ды мовы “Шоу Беларушчыны” прайшоў для ўдзельнікаў гарадзенскіх штотыднёвых курсаў “Моваведа”. З гэтай імпрэзай пазнаёміў гарадзенцаў Алесь Мазанік з Менску.
Ён, як менеджар культурніцкіх праектаў зараз наведвае гарады Беларусі з адной мэтай – заахвоціць пашыраць ужыванне роднай мовы ва ўсіх сферах жыцця.
– Мяне вельмі парадаваў ровень ведаў удзельнікаў. Я ўжо аб’ехаў усю Беларусь у плане буйных гарадаў. І сёння ў Гародні я пабачыў найлепшы вынік за ўвесь час. Я шчыра спадзяюся на тое, што беларусы нарэшце прачнуцца і кожны зразумее, што ўсё залежыць ад яго самога. І нават калі нас будзе збірацца 10 чалавек, то кожны з гэтых 10 здолее распавесці яшчэ 10, яшчэ і яшчэ… Такім чынам мы здолеем нарэшце прыйсці да агульнай граматнасці, да агульнай культуры і будзем пачуваць сябе ў сваёй краіне.
Разам з імпрэзай былі прадстаўлены гарадзенцам відэа-дыскі апошняга фільма рэжысёра Валерыя Мазынскага, наклад якіх выпусціў за свой кошт Алесь Мазанік.
Фільм выданы да другой гадавіны смерці слыннага беларуса Міхася Чарняўскага.
[Not a valid template]
Якуб Сушчынскі, Беларускае Радыё Рацыя
Фота аўтара
Глядзіце таксама
