Што перашкодзіла аднавіць палац Агінскіх якасна?
Недахоп фінансавых сродкаў не дазволіў дзяржаве правесці якасную рэстаўрацыю палаца Агінскіх у Залессі і аднавіць яго аўтэнтычны выгляд.
Шклопакеты ў аранжэрэі, выкарыстанне сучасных матэрыялаў пры правядзенні ўнутраных прац у палацы, адсутнасць гадзінніка на галоўнай вежы і прыцягненне некваліфікаваных будаўнікоў замест спецыялістаў – рэстаўратараў сведчаць пра эканомію сродкаў пры правядзенні рэстаўрацыі, што па словах краязнаўцы Сяргея Верамейчыка з’яўляецца паказчыкам таго, як беларуская дзяржава ставіцца да захавання ўласнай спадыны:
– Можна было б урэшце рэшт спачатку зрабіць макет, паколькі гэта рабілася так трошку, на маю думку, кулуарна. Таму вось такія вынікі – фасад сапсаваны, проста парушана прапорцыя. Атрымалася як адзін архітэктар сказаў: “Здаецца, што Агінскі пабудаваў спачатку вялікую цяплярню, а вакол яе пабудаваў палац”.
Згодна з рашэннем ЮНЭСКА 2015 год абвешчаны годам Міхала Клеафаса Агінскага, які жыў у Залессі на працягу 20 гадоў – з 1802 па 1822.
25 верасня бягучага года з дня нараджэння аўтара знакамітага паланэза „Развітанне з радзімай” спаўняецца 250 гадоў, у сувязі з гэтым у „Паўночных Афінах” запланавана правядзенне ўрачыстых мерапрыемстваў, прысвечаных памяці выбітнага патрыёта, дыпламата і кампазітара.
[Not a valid template]
Беларускае Радыё Рацыя
