Стартуе конкурс на вела-гімн Берасця
Серыю творчых конкурсаў у Берасці распачынаюць прадстаўнікі кампаніі ’’За вела Берасце’’. Яны запрашаюць да стварэння разам вела-гімну горада. Удзел у конкурсе можа прыняць кожны жыхар горада над Бугам.
“Адзін з галоўных крытэраў – крэатыўнасць і актуальнасць дасланай працы”, – азначыў прадстаўнік кампаніі ’’За вела Берасце’’ Уладзімір Красько:
– У нас зараз створана журы, у якое ўваходзяць прадстаўнікі велаклуба Берасця, а таксама берасцейскія дызайнеры. У прынцыпе, мы абапіраемся на такія крытэры: па-першае, гэта павінна быць цікава, крэатыўна, павінна заахвочваць і натхняць людзей станавіцца раварыстам ці, прынамсі, змяняць іх стаўленне да раварыстаў.
Плануецца, што гімн будзе гучаць падчас роварных прабегаў і спартовых мерапрыемстваў. Уся інфармацыя аб умовах правядзення конкурсу і яго тэрмінах з’явіцца ў адмыловай суполцы ініцыятывы ў сацыяльных сетках.
Беларускае Радыё Рацыя, Берасце
Фота news.tut.by
Глядзіце таксама
