Сустрэча з юнымі лінгвістамі Дзятлаўшчыны
У вёсцы Хвінявічы Дзятлаўскага раёна на базе мясцовай школы працуе школьны дзятлаўскі раённы аздараўленчы лагер “Лінгва-Land” з лінгвістычным профілем. Юныя лінгвісты разам з педагогамі запрасілі да сябе ў госці пісьменніка, гісторыка і краязнаўцу Сяргея Чыгрына, барда і журналіста Зьміцера Бартосіка і дзятлаўскага грамадскага актывіста, былога педагога Валерыя Петрыкевіча.
Валерый Петрыкевіч распавёў пра 500-годдзе беларускага друку, пра дзейнасць Францішка Скарыны ў Празе, пра кнігу Ігната Дварчаніна, прысвечаную першадрукару.
Сяргей Чыгрын пазнаёміў школьнікаў з цікавымі і рэдкімі беларускімі выданнямі, распавёў пра сённяшнія справы беларускага кнігадрукавання, а таксама адказаў на пытанні прысутных.
Дапаўняў сустрэчу Зьміцер Бартосік беларускімі песнямі і гісторыяй беларускай бардаўскай песні.
[Not a valid template]
Барыс Баль, Беларускае Радыё Рацыя, Дзятлаўскі раён
Фота аўтара
Глядзіце таксама
