Свабодны тэатр грае спектакль «Быў у пана верабейка гаварушчы» ў Лондане
Свабодны тэатр ладзіць лонданскую прэм’еру спектакля «Быў у пана верабейка гаварушчы». Паказы ідуць штодня з 13 па 20 красавіка.
Дата: з 13 па 20 красавіка
Час: 19.00 (час мясцовы)
Месца: тэатр «Stone Nest», 136 Shaftesbury Ave, Лондан
Спектакль ставіцца паводле кнігі Змітра Бартосіка у адаптацыі Марыі Бяльковіч і Мікалая Халезіна.
Прэм’ера спектакля «Быў у пана верабейка гаварушчы» ўпершыню адбылася ў Менску ў 2017 годзе. Гэта тэатральная вячэра, якая даследуе схаваныя гісторыі Беларусі, ставячы гледачоў у самы цэнтр святкавання сямейнага дня народзінаў.
За сталом, накрытым стравамі беларускай кухні, гледачы назіраюць за тостамі, палкімі прамовамі і танцамі, пакуль на паверхню не ўсплываюць даўно пахаваныя ўспаміны, калі гутарка пераходзіць у 1941 год і невымоўнае становіцца вымоўным.
Спектаклі ідуць на беларускай мове без субтытраў, але будзе даступны друкаваны канспект спектакля на ангельскай мове. Квіткі на пастаноўку ўключаюць вячэру і напоі, таксама даступныя мясныя, вегетарыянскія і веганскія стравы. Калі ў вас ёсць дадатковыя дыетычныя патрабаванні або алергія, паведаміце нам загадзя па электроннай пошце [email protected]
Мерапрыемства доўжыцца 2 гадзіны без перапынку ў разняволенай абстаноўцы, якая дазваляе зрабіць камфортныя перапынкі.
Больш звестак і замову квіткоў глядзіце па спасылцы.
