Сяргей Харэўскі: Эксперыменты з адукацыяй прывялі да цывілізацыйнага заняпаду
Эксперыменты з адукацыяй, якія робіць сённяшняя беларуская ўлада, прывялі да гуманітарнага заняпаду. Так лічыць культуролаг і мастацтвазнаўца Сяргей Харэўскі. Найбольш пацярпелі такія галіны адукацыі – як сусветная і нацыянальная культура.
Кажа Сяргей Харэўскі:
– У нас 13 гадоў не выкладалі мастацтва ў школах. Гэта вынікі эксперыментаў за час кіравання Лукашэнкі. Адзін з самых брутальных такіх эксперыментаў – гэта эксперыменты з адукацыяй. З праграмы навучання вынялі сусветную мастацкую культуру на 13 гадоў. То бок, вырасла мінімум пакаленне, якое наогул нічога не ведае. Я ўжо не гавару пра нацыянальную культуру, пра беларушчыну – як культуру з вялікай літары. Гэта поўны заняпад цывілізацыйны.
Сяргей Харэўскі выкладае ў Еўрапейскім гуманітарным універсітэце ў Вільні. Ён аўтар шэрагу кніг па мастацтву, найбольш вядомая яго кніга – «Сто твораў ХХ стагоддзя. Нарысы па гісторыі беларускага мастацтва найноўшага часу».
Цалкам матэрыял:
Васіль Кроква, Беларускае Радыё Рацыя
