Ці цікава гарадзенцам традыцыйнае беларускае вяселле?
Пра традыцыі, што панавалі на беларускім вяселлі пакаленні таму, пра ролю кожнага ўдзельніка на гэтым свяце гарадзенцам распавялі прадстаўнікі суполкі „Традыцыйнай беларускай культуры”.
Некалькі дзён перад гэтым прадстаўнікі гарадзенскай “Мовы Нанова” апыталі гарадзенцаў пра тое, як на іх думку павінна выглядаць беларускае вяселле, і большасць жыхароў горада не ведалі, як адказаць на гэтае пытанне. Каб даведацца якія былі традыцыі, што трэба рабіць і маладым, і бацькам дазнаўся кожны з прысутных на гарадзенскіх курсах “Мовы Нанова”.
Пра беларускія традыцыі вяселля распавядае Антон Янкоўскі:
– У прынцыпе – ўсё так як і зараз, але шмат розных абрадаў, шмат узаемадзеяння паміж людзьмі. У кожнага была нейкая сімвалічная функцыя. І мы паспрабуем паказаць невялічкія эпізоды, паказаць як гэта было, каб прагучалі песні, якія тады спявалі і заспяваць разам з залам.
Па словах арганізатараў, правядзенне падобных вяселляў у традыцыйным стылі становіцца вельмі модным сярод беларусаў і з кожным годам колькасць маладых, што жадаюць правесці сваё вяселле ў такім стылі, павялічваецца.
[Not a valid template]
Беларускае Радыё Рацыя, Гародня
Глядзіце таксама
