У адным зборніку – вершы пра Зэльвеншчыну
Зэльвенская раённая бібліятэка падрыхтавала і выпусціла зборнік вершаў свайго земляка паэта Юркі Голуба “Зэльвенскі эцюд”. Зборнік быў выдадзены з нагоды 70-годддзя паэта.
У зборнік “Зэльвенскі эцюд” увайшлі 16 вершаў Юркі Голуба, прысвечаныя Зэльвеншчыне. Гэта вершы пра Ганненскі кірмаш, пра Сынковіцкую царкву, пра старажытны Дзярэчын і Зэльвенскае вадасховішча… А пачынаецца зборнік вершам “Зэльвенскія дзяўчаты”, якіх паэт шчыра ўсхваляе:
З пяшчотаю і красой –
Іхні пасаг багаты!
У вечнасці пад крылом
Зэльвенскія дзяўчаты.
Барыс Баль, Беларускае Радыё Рацыя, Зэльва
Фота аўтара
