У Беластоку выдалі каталог помнікаў
Гэта цікавае выданне для гісторыкаў але таксама для турыстаў якія наведаюць Беласток.
Магістрат разам з нацыянальным архівам выдалі каталог беластоцкіх помнікаў. Каталог апісвае каля 20 помнікаў і некалькі дзясяткаў мемарыяльных дошак.
Сярод іх таксама помнік праваслаўных жыхароў Беласточчыны забітых і загінуўшых у перыяд з 1939 па 1956 год.
«Помнік, адкрыты ў 2012 годзе, прысвечаны памяці праваслаўных жаўнераў, ахвяраў гітлераўскага і савецкага тэрору, а таксама дзейнасці польскага падполля», — кажа аўтар выдання і дырэктар Нацыянальнага архіва ў Беластоку Марэк Кетліньскі.
— Ля царквы на вуліцы Антонюкоўскай ёсць шыльда прысвечаная жыхарам Падляшша, якія загінулі падчас Другой Сусветнай вайны.
У каталозе беластоцкіх месцаў памяці можна ўбачыць здымкі і дакументы з фондаў, архіваў ды іншых установаў. Тут апісаныя: гісторыя, аўтар і час узнікнення кожнага помніка.
Каталог можна знайсці на сайце Горада Беластока і Нацыянальнага архіва ў Беластоку.
Лукаш Леанюк, Беласток, Беларускае Радыё Рацыя
Фота: bialystok.pl
Глядзіце таксама
