У Берасці сумавалі па СССР
’’OK GOOGLE СССР’’ – імпрэза пад такой назвай прайшла ў Берасцейскім абласным краязнаўчым музеі. Яна была прымеркавана да міжнароднай акцыі ’’Ноч музеяў’’ і ўключала ў сабе прыём мукулатуры, сеанс адначасовай гульні ў шашкі, нарды, даміно, маршыраванне піянерскіх атрадаў, паказ савецкай моды, конкурс ’’Стылягі’’.
Вядучы спецыяліст установы Жанна Абламская падкрэсліла, што мерапрыемства – гэта магчымасць пераасэнсавання нядаўняй гісторыі:
– Лічыцца, што гісторыя – гэта тое, што было 200-300 гадоў таму. А тое, што адбывалася 20 гадоў таму, чамусьці хутка забываецца. І нават прадметы таго часу не захоўваюцца, знішчаюцца, выкідваюцца, на іх не звяртаюць увагі. Таму мы, напэўна, хочам засяродзіць увагу на гэтым часе, каб захоўвалі яго, бо гэта усё ж такі нашая гісторыя, нашае дзяцінства.
У залах музею ў час мерапрыемстваў таксама гучалі лозунгі піянераў ’’Будзь гатовы! Заўсёды гатовы!’’, а каля ўваходу працавала палявая кухня.
Беларускае Радыё Рацыя, Берасце
Фота realbrest.by
Глядзіце таксама
