У „Еўрабачанні-2018” прымуць удзел 42 краіны
У міжнародным конкурсе песні „Еўрабачанне-2018” прымуць удзел 42 краіны. Інфармацыя аб гэтым размешчана на афіцыйным сайце конкурсу.
Удзельнікамі 63-га па ліку конкурсу аб’яўлены Албанія, Арменія, Аўстралія, Аўстрыя, Азербайджан, Беларусь, Бельгія, Балгарыя, Харватыя, Кіпр, Чэхія, Данія, Эстонія, Фінляндыя, Францыя, Германія, Грузія, Грэцыя, Венгрыя, Ісландыя, Ірландыя, Ізраіль, Італія, Латвія, Літва, Мальта, Малдова, Чарнагорыя, Нідэрланды, Нарвегія, Польшча, Партугалія, Румынія, Расея, Сан-Марына, Сербія, Славенія, Іспанія, Швецыя, Швейцарыя, Украіна, Вялікабрытанія.
Акрамя таго, ужо вядомы лагатып і слоган конкурсу – „All Aboard!” („Усе на борт!”). Творчая тэма і лагатып маючага адбыцца творчага спаборніцтва рэзаніруюць з гісторыяй Лісабона і падкрэсліваюць асноўныя каштоўнасці „Еўрабачання”, у тым ліку разнастайнасць, падкрэсліваецца ў паведамленні.
Права прыняць „Еўрабачанне-2018” атрымала Партугалія пасля трыумфу Сальвадора Сабрала на конкурсе ў Кіеве ў гэтым годзе. Перамогу Сальвадору прынесла лірычная песня на роднай мове „Amar pelos dois”. Беларусь на „Еўрабачанні-2017” прадставіла група NaviBand, якая ўпершыню выканала з конкурснай сцэны песню на беларускай мове.
Паўфіналы „Еўрабачання-2018” пройдуць 8 і 10 траўня, фінал адбудзецца 12 траўня ў Лісабоне.
