У Гародні адбыўся лікбез па сучасным мастацтве
У гарадзенскім Цэнтры гарадскога жыцця адбылася лекцыя мастачкі і педагога Вікторыі Ільіной пра сучаснае мастацтва. Сустрэча была прысвечана Пабла Пікаса і мела назву „Пабла Пікаса: ад дзяўчат авіньёнскіх 1907 года да гарадзенскіх 2017”.
Чым адметныя такія сустрэчы і чаму менавіта Пікаса, кажа Вікторыя Ільіна:
– Мастацва развівалася, развівалася, а потым у адзін час як бы вісела ў паветры, што трэба нешта мяняць. І таму з’явіліся вось такія выдатныя асобы, якія гэта зрабілі. І сярод іх Пабла Пікаса – самы з іх знакаміты. З яго авіньёнскіх дзяўчат усё пачалося. А потым быў квадрат Малевіча. Кандзінскі. І далей. На жаль, у нас шмат хто да іх ставіцца з агрэсіяй нават праз 100 гадоў, маўляў, гэта былі шарлатаны, яны нічога не ўмелі, нешта выдурняліся, а людзі за гэта плоцяць шалёныя грошы. На Захадзе людзі таксама гэта не разумеюць, але ёсць павага да мастакоў.
Odtwarzacz plików dźwiękowych
На думку гарадзенскага майстра пэндзля Кацярыны Забелінай, такія сустрэчы вельмі патрэбныя гарадзенцам.
– Вельмі актуальная праблема ў сучасны момант, таму што мы ўсе ведаем, што існуе сучаснае мастацтва, але, на жаль, большасць у ім нічога не цяміць. Калі раней мы глядзелі на карціны як на фотаздымкі і разумелі, што адбываецца. То цяпер мы глядзім на мастацтва і разумеем, што яно нейкае далёкае, незразумелае для многіх. Такія лекцыі дапамагаюць крыху заглыбіцца ў гісторыю мастацтва, пазнаёміцца з падзеямі, якія адбываліся ў той час. І зразумець, чаму мастакі малявалі такія сюжэты і чаму выкарыстоўвалі такія выяўленчыя сродкі.
Odtwarzacz plików dźwiękowych
Наступная лекцыя Вікторыі Ільіной ці “Размовы пра сучаснае мастацтва” ў Цэнтры гарадскога жыцця адбудзецца 20 верасня. Пра каго будзе распавядаць спадарыня Ільіна наступным разам арганізатары сустрэчы пакуль трымаюць ў сакрэце.
[Not a valid template]
Беларускае Радыё Рацыя
