У Гародні здымаюць дакументальны фільм пра падзеі 1939 году
У Гародні распачаліся здымкі дакументальнага фільму пра падзеі 1939 году. Фільмам займаецца Фонда Лелевеля, а ў Беларусі гэту ідэю падтрымаў незалежны Саюз Палякаў на Беларусі. Фільм мае папярэднюю назву “Grodno 1939″ і ён стане прыступкай да стварэння вялікага кіно пра гарадзенцаў.
Пра здымкі фільму распавядае прэсавы сакратар СПБ Анджэй Пісальнік:
– Здымкі ўжо пачаліся, яны адбываюцца без якой-небудзь саліднай падтрымкі з бізнес-колаў ці дзяржавы. Гэта чыстая грамадская ініцыятыва аматараў. Гэта будзе аматарскі фільм. Першы фільм, які здыме здымачная група, якая налічвае каля 60 чалавек. Гэта валанцёры збольшага. Але там ёсць таксама і прафесійныя фільмоўцы, якія працуюць без ганарараў.
[Not a valid template]
Незалежны Саюз Палякаў па сваіх суполках ў Беларусі з Менска, Івянца, Гарадзеншчыны і Берасця сабраў дзевяць тысяч злотых і яшчэ каля пятнадцаці тысяч было сабрана з іншых фондаў.
Беларускае Радыё Рацыя
Фота Савелія Малчанава
Глядзіце таксама
