У Крэўскім замку раскапалі падмурак трэцяй вежы
Раней меркавалася, што Крэўскі замак мае ў плане трапецыю з дзвюма вежамі па вуглах. Некалькі дзён таму падчас археалагічных раскопак знайшлі падмурак трэцяй вежы, піша Reform.by.
-
Фота: facebook/kreva.park
Кіраўнік раскопак кандыдат гістарычных навук археолаг Алег Дзярновіч паведаміў, што гэта вельмі важнае адкрыццё і для гісторыі Крэўскага замка, і для гісторыі даследаванняў пачатку мураванага абарончага дойлідства Вялікага Княства Літоўскага. Структура Крэўскага замка была больш складанай, разгалінаванай і больш функцыянальна насычанай, дадае Алег Дзярновіч.
-
Фота: facebook/kreva.park
Нагадаем, што цяпер адбываецца кансервацыя, рэстаўрацыя і археалагічныя даследаванні Крэўскага замка, унікальнага помніка абарончага дойлідства пачатку XІV стагоддзя (паводле іншых меркаванняў – канца ХІІІ). У Крэўскім замку размяшчалася рэзідэнцыя вялікіх князёў.
