У Лідзе адмянілі ўрачыстае адкрыццё шыльды Астрожскаму
Урачыстага адкрыцця шыльды Канстанціну Астрожскаму ў Лідзе пакуль не адбылося. Хоць шыльда з барэльефам аўтарства лідскага мастака Вадзіма Вераб’ёва ўжо знаходзіцца на сцяне праваслаўнай царквы Георгія Пабеданосца.
Як кажа старшыня мясцовай суполкі Таварыства беларускай мовы Станіслаў Суднік, адкрыццё перанесена на 11-га верасня, пра што сёння пасля паніхіды ў царкве па чатырох князях, якія ўдзельнічалі ў бітве пад Воршай, сказаў мясцовы святар:
– Адкрываць шыльду планавалі сёння, што праўда два дні назад Дабрачынны прасіў мяне, каб мы зрабілі гэта пазней, але я настаяў, што для нас важна, каб гэта было сёння. Тады ён згадзіўся па тэлефоне са мной, а сёння ён усё-такі сказаў, што ён не змог атрымаць пісьмовы дазвол ад епіскапа, толькі вусны.
Цяпер адкрыццё шыльды мае адбыцца ў дзень смерці Канстанціна Астрожскага 11-га верасня ў 10.30. А сёння ў Ліду адмыслова на яе планаванае адкрыццё прыехаў беларускі бард з Гомеля Андрэй Мельнікаў ды актывісты з Лідчыны.
Яна Запольская, Беларускае Радыё Рацыя
Фота svaboda.org
