У Менску пройдуць Мілашаўскія чытанні
У Менску ў кнігарні “Кніжны салон” 30 верасня збяруцца прыхільнікі творчасці польскага паэта Чэслава Мілаша – пісьменнікі, літаратуразнаўцы, мастакі, рэжысёры, спевакі і музыкі.
Сярод удзельнікаў Мілашаўскіх чытанняў будзе і спявачка Таццяна Беланогая:
– Я планую выканаць песні на словы Чэслава Мілаша ў беларускім перакладзе. Але заспяваю толькі адну песню, бо будзе шмат выступоўцаў. І гэта песня будзе паводле перакладу на беларускую мову Андрэя Хадановіча.
Аўтар праекта пісьменніца Алена Масла. Акрамя паэтычных і музычных выступаў удзельнікі імпрэзы змогуць паглядзець урыўкі з фільма Аляксандра Матафонава “Чарэя Оскара Мілаша”, а таксама можна будзе пабачыць выставы мастака Барыса Аракчэева “Край блакітных азёр”.
Васіль Кроква, Беларускае Радыё Рацыя
Фота
Глядзіце таксама
