У Параф’янаве на Дзяды згадвалі сваіх славутых землякоў
У аграгарадку Параф’янава, што на Віцебшчыне, адсвяткавалі Дзяды. У мясцовым клубе прайшла літаратурна-музычная імпрэза. Сярод іншага краязнавец Казік Ляшчэвіч распавёў, што менавіта на чыгуначнай станцыі Параф’янава ў 1903 годзе нарадзіўся славуты амерыканскі кампазітар, аўтар брадвейскіх мюзыклаў Вэрнан Дзюк, ён жа – Уладзімір Дукельскі. Маці кампазітара, відавочна, накіроўвалася праз Параф’янава ў Полацак.
Станцыя Параф’янава.
Казік Ляшчэвіч:
– У вагоне пачаліся роды і яе высадзілі на станцыі Параф’янава, і яна нараджала ў вакзале.
РР: Той будынак станцыі не захаваўся?
– Не. Яго разабралі. Пачалі разбіраць палякі, а затым немцы прадалі за яйкі цэглу.
РР: А ці можам Дукельскага лічыць сваім?
– А бацька дзе жыў? Бацька працаваў інжынерам на станцыі Талачын. Канешне, можам.
Стас Дэдэрка, Беларускае Радыё Рацыя
Глядзіце таксама
