У Польшчы прайшоў фэст “Niedziela w Terespolu”
У Польшчы адбыўся штогадовы фэст “Niedziela w Terespolu”. Сёлета на ягонай музычнай сцэне заспявалі гурты з Беларусі, Украіны і краіны-гаспадыні мерапрыемства.
Гаворыць прадстаўніца арганізатараў і дырэктарка Гарадскога асяродка культуры ў Цярэспалі Ганна Пятрусік:
– Стараемся, каб кожны знайшоў штосьці для сябе. Прыехалі гурты самых розных кірункаў.
Цікавасць беларусаў, а ў прыватнасці берасцейцаў, якія цягнікамі і роварамі дабраліся на фэст, выклікаў выступ „Дзецюкоў”. Яны ніколі не гралі канцэрт у Берасці і таму ў іхніх прыхільнікаў з’явілася мажлівасць паслухаць гарадзенцаў у суседнім Цярэспалі. Кажа саліст каманды – Павел Трублін:
– Розныя жанры прадстаўленыя – тут і поп-гурты, і рок, і фолк. Для нас гэта новы досьвед. Трошкі, канешне, публіка цяжкая. Мне падаецца, так заўсёды на такіх гарадскіх канцэртах.
Падчас фэсту адбыўся і дабрачынны збор сродкаў на лекаванне цяжка хворай дзяўчынкі. Усяго ўдалося сабраць каля 5000 злотых. Падсумаваннем мерапрыемства стаўся святочны феерверк.
[Not a valid template]
Мікола Ляшкевіч, Беларускае Радыё Рацыя, Цярэспаль
Фота аўтара
Глядзіце таксама
