У “Прэс-клубе Беларусь” прэзентавалі „гаварушчага верабейку” Бартосіка
“Быў у пана верабейка гаварушчы”. Так называецца кніга дакументальных гісторый з беларускага жыцця сярэдзіны ХХ стагоддзя, якую прэзентавалі ў сталічным “Прэс-клубе Беларусь”.
Распавядае яе аўтар Зміцер Бартосік:
– “Быў у пана верабейка гаварушчы” – кніга складаецца з некаторых маіх падарожжаў па Беларусі па матэрыялах перадачаў “Падарожжы Свабоды”. Там сабраныя самыя драматычныя гісторыі, якія я пачуў за гэтыя гады вандровак, гісторыі, якія адбываліся ад 39-га па 54-ы год. Я чытаў кніжку, адказваў на пытанні, яшчэ выступалі Уладзімір Арлоў, Сяргей Дубавец, рэдактар гэтай кнігі, і кіраўнік беларускай службы Радыё Свабода Аляксандр Лукашук.
Бартосік вядомы не толькі, як пісьменнік і журналіст. Шмат прыхільнікаў і ў яго музычнай творчасці. Некаторыя песні ў аўтарскім выкананні прагучалі і на прэзентацыі кнігі.
Максім Каўняровіч, Беларускае Радыё Рацыя.
Глядзіце таксама
