У рэканструкцыі замка ў Гародні магчымы змены
У рэканструкцыі замка ў Гародні яшчэ магчымы змены.
Кіраўнік Беларускага добраахвотнага таварыства аховы помнікаў Антон Астаповіч упэўнены, што ў спрэчнай рэканструкцыі Старога замка ў Гародні, якая пачалася ў верасні 2018 года, магчымы змены да лепшага:
– Другая-трэцяя чарга яшчэ нават не пачалася распрацоўка навукова-праектнай дакументацыі. Ёсць шанс паўплываць на гэты працэс, тым больш пэўныя дамоўленасці дасягнуты з аблвыканкамам, з гісторыка-археалагічным музеем. Я і на круглым стале, які адбываўся ў ліпені месяцы, і гэта дакументальна пацверджана, бо ёсць афіцыйная рэзалюцыя круглага стала, гэта пацверджана і на прыватным узроўні.
Антон Астаповіч спадзяецца, што да наступных стадый рэканструкцыі замка будуць дапушчаны адмыслоўцы па рэканструкцыі, такія як Мікола Волкаў, адзін з апанентаў афіцыйнага праекта рэканструкцыі.
Беларускае Радыё Рацыя, Гародня
