У Слоніме пройдзе фестываль узорных тэатральных калектываў
31 сакавіка Слонім будзе вітаць артыстаў і рэжысёраў узорных тэатральных калектываў. Тут на базе цэнтра культуры і адпачынку, а таксама драматычнага тэатра адбудзецца Гарадзенскі абласны фестываль узорных тэатральных калектываў.
У ім прымуць удзел калектывы са Слоніма, Гародні, Шчучына, Іўя, Дзятлава, Ваўкавыска, Мастоў, Малой Бераставіцы, Ліды і Мінойтаў.
Галоўная мэта фестывалю — гэта ўмацаванне ролі і папулярызацыя ўзорных тэатраў вобласці, падтрымка, стымуляванне і развіццё дзіцячай тэатральнай творчасці і ўтварэнне новых.
Рэпертуар калектываў-удзельнікаў фестывалю склалі пастаноўкі на розную тэматыку, але найперш творы беларускай і замежнай класікі, аўтарскія спектаклі.
Беларускае Радыё Рацыя, Слонім
