У Слоніме прыгадалі заснавальніка мясцовага раённага музея
У суботу, 17 кастрычніка, у Слонімскім раённым краязнаўчым музеі прыгадалі Язэпа Стаброўскага (1870-1968) – заснавальніка гэтага музея.
Палкоўнік царскай арміі, удзельнік Першай сусветнай вайны, краязнавец, археолаг, калекцыянер, дзякуючы ўласнай калекцыі адкрыў 20 верасня 1929 года ў Слоніме музей. На адкрыцці музея прысутнічаў нават прэзідэнт Польшчы Ігнацы Масціцкі.
Язэп Стаброўскі пражыў 98 гадоў. Яго доўгае жыццё было напоўнена шматлікімі цікавымі падзеямі. Пра гэта распавёў прысутным настаўнік і гісторык з Гародні Васіль Герасімчык, а таксама вучоны сакратар грамадскага Інстытута беларускай гісторыі і культуры з Менску Анатоль Тарас.
Пасля імпрэзы адбылося адкрыццё ў музеі выставы ў гонар Язэпа Стаброўскага.
Барыс Баль, Беларускае Радыё Рацыя, Слонім
Фота аўтара
