У Варшаве адбудзецца вялікі спеўны сход
Беларусы Варшавы працягваюць ладзіць культурніцкія ініцыятывы. У дзень беларускай культуры ў цэнтры Варшавы пройдзе спеўны сход.
Вядучым спеўнага сходу будзе лідар гурта „Vuraj” Сяржук Доўгушаў. Мерапрыемства такога масштабу праводзіцца ў Варшаве ўпершыню. Музыка і раней ладзіў спеўныя сходы, але ў Беларусі. – У 2014 годзе я пачаў гэту ініцыятыву ў Беларусі. Спеўныя сходы на розныя тэмы прайшлі не толькі ў Менску, але і іншых гарадах. Спявалі народныя песні, спявалі Манюшку, Агінскага, песні БНР – узгадвае Сяржук.
– Зараз я хачу правесці гэта ў Варшаве. У 2018 годзе ўжо праходзілі невялічкія спеўныя сходы, але зараз будзе значна большы. Мы будзем спяваць разам годныя песні. Тыя песні, які сталі вельмі папулярныя пасля жніўня 2020 года.
Мерапрыемства адбудзецца 7 ліпеня а 20:00 на Замкавай плошчы. Уваход вольны.
Канстанцін Ахроменка, Беларускае Радыё Рацыя
