Украінскія пісьменнікі падтрымалі беларусаў
Украінскія літаратары ў адкрытым лісце заклікалі сусветную супольнасць дапамагчы спыніць гвалт у Беларусі.
Адкрыты ліст украінскіх пісьменнікаў да беларускіх калегаў апублікаваны на сайце ўкраінскага ПЭНу.
Дарагія нашы Сябры, дарагія беларускія пісьменнікі! Шаноўныя Калегі — пісьменнікі, журналісты, уся супольнасць беларускага ПЭНу!
Ад самага жніўня мы з вялікай увагай сочым за падзеямі ў Беларусі, за рэакцыяй беларускіх грамадзян на фальсіфікацыю прэзідэнцкіх выбараў і спробамі ўладаў вырашыць праблему грубай сілай і ўтаймаваць непакорлівых. Мы рашуча асуджаем рэжым Лукашэнкі і ўсіх тых, хто яму служыць.
Як мала хто, мы разумеем, якой ёсць цана свабоды. І разам з вамі звяртаемся да сусветнай грамадскасці: падтрымайце свабодных беларусаў! Дапамажыце спыніць гвалт у еўрапейскай краіне! Не паўтарайце памылак appeasement-у, не маўчыце!
Мы занадта добра ведаем цану маўчання, якое прывяло да злачынстваў супраць чалавечнасці ў Югаславіі, да расейскіх ваенных злачынстваў ва Украіне.
Жыве Беларусь!
