Уладзімір Арлоў сустрэўся з палачанамі
Уладзімір Арлоў працягвае паездкі па Беларусі з новым выданнем кнігі „Імёны Свабоды”. Гэтым разам ён прыехаў у свой родны горад – Полацак.
Сустрэча адбылася ў Музеі беларускага кнігадрукавання. Гэта ўжо трэцяе, дапрацаванае выданне кнігі. Цяпер яна аб’ядновае 300 эсэ пра героеў беларускай свабоды XVIII – XXI стагоддзяў. Як напісана ў анатацыі да новага выдання, кніга можа служыць дапаможнікам для напісання раманаў, здымання фільмаў, абароны дысертацыяў, змены назваў вуліц, плошчаў і гарадоў.
Уладзімір Арлоў традыцыйна зачытаў эсэ пра тых герояў кнігі, якія лёсам звязаныя з тым рэгіёнам, дзе адбываецца прэзентацыя, – гэтым разам з Полаччынай.
Адчасова была прадстаўлена кніга пра вядомага беларускага рэстаўратара Валерыя Слюнчанку «Ляцеў з аблокамі я побач», якая нядаўна пабачыла свет. Менавіта Слюнчанка аўтар праектаў рэстаўрацыі Сафійскага і Богаяўленскага сабораў, Крыжаўзвіжанскай царквы і праекта рэгенерацыі гістарычнага цэнтра Полацка. Уладзімір Арлоў з’яўляецца адным з укладальнікаў гэтай кнігі.
Завершылася сустрэча адказамі на пытанні і падпісваем аўтарам сваіх кніг.
[Not a valid template]
Беларускае Радыё Рацыя
Фота Таццяны Козік
Глядзіце таксама
