Ушанавалі заснавальніка Слонімскага краязнаўчага музея
У Слонімскім краязнаўчым музеі імя Язэпа Стаброўскага адкрылася выстава, прысвечаная Язэпу Стаброўскаму (1870-1968) – археолагу і краязнаўцу, удзельніку Першай сусветнай вайны, палкоўніку, заснавальніку Слонімскага краязнаўчага музея.
На выставе экспануюцца матэрыялы, якія распавядаюць пра жыццё і дзейнасць знакамітага слонімца, вельмі шмат фотаздымкаў і тых экспанатаў, якія для музея некалі сабраў Стаброўскі.
У гэты самы дзень у вёсцы Орлавічы Слонімскага раёна, дзе на мясцовых могілках знаходзяцца магілы Стаброўскіх, была адкрыта шыльда, на якой пералічаны некалькі памерлых Стаброўскіх. Але чамусьці гэта шыльда з’явілася на польскай мове.
[Not a valid template]
Вольга Рагозік, Беларускае Радыё Рацыя, Слонім
Фота аўтара
